أنا والمر

المُر أنا عشت فيه.. سنين عُمري اللي فاتْ

من كُتره فرِحتْ بيه.. حبيتْ فيه الآهاتْ !

ولقيتْ نفسي جَنبه.. رُوحي واخدة عليهْ !

مِن ضَعفي قولت اصاحبه.. كان حظ كسبت بيهْ !

المُر بطعمه خدني.. لحقيقة دنيا فانيةْ

قال لي: على إيه هتبكي.. والعُمر نهايته ثانيةْ !؟

مِن يومها ما بكـيتْ.. وعشت لوحدي دنيا !

و المُر خلاص نسيتْ.. وكأنه حاجة حلوةْ !!

يا مُر أنت صاحبي.. وأنت الأستاذ لعمري

أنت الحنين لقلبي.. ونور ورَّاني أمشي

في وِسْط الـدنيا ديه.. الضلمة فيها مُرةْ !

وعشان أعيش يا دنيا.. رضيت بالمُر ضُرَّةْ !!

من ملف إبداعات أدبية