مثلي يختفي خلف جدران الزواج م3

مثلي يختفي خلف جدران الزواج م2
أترك لكم العنوان

عزيزي د. وائل أشكرك على اهتمامك بي وبغيري وباستشارتي المحيرة الخلاصة أن لا فائدة من الزوجة فأنا أريح زوجتي كثيراً حتى ساعات كثير أعاونها في التدبير المنزلي الخ, ما يريح زوجتي مني هو تحب قلة الكلام وتكره كثرة النقاش حتى في مشاكلي معها تكره أن أناقشها حتى فيها زوجتي تريد مني دائماً أن أسافر إلى أي دولة عربية والعمل بالخارج لكثرة الدخل, وده ممكن أن يكون حقها لأن العيش هنا أصبح صعب كما تعلم وكثرة المصاريف باختصار من حوالي ١٠ سنوات اجتهدت من أجلها وأجل أولادي لتغيير سكني بسكن أوسع شقة جديدة يعني, وحصل وبكرم من الله وعونه رزقني وجبت شقة جديدة أوسع وخلصتها لوكس كمان وأولتلها سعتها كده ربنا كرمنا.

ونبدأ في شقتنا الجديدة حياة ثانية نغير بقى غرفة لينا وغرفة لأولادنا وحياة منظمة كما تعلم. رديت ربنا يسهل. من أول ليلة بعد نقل الأثاث نامت مع عيالها غضبت وأجبرتها تبلغ أولادها أن هذه أوضتكم خلاص لوحدكم غير غرفتنا سوا, المهم الأولاد كانوا لسة صغيرين عيطو زنو كتير. هي رجعت تعيد الكرة تاني مطولش عليك عملت مشاكل لا حصر لها وضربتها كتير, وأقول نظمي حياتك بقى أترك البيت أيام وأعود لا فايدة فيها.. عيالك صغيرين وكلام من هذا زهقت بطلت أكلم. كنا في ٢٠٠٧ ودلوقتي مع زيادة حجم حالتي النفسية ومشكلتي اللي حدثتك عليها زادت مع توتر الحالة مع بعض وتراكم السنين وهي الحياة ماشية شوية حلو وشوية مشاكل مش كل حياتي معاها مشاكل بس دي نقطة سوداء موجودة بينه وعلى ذلك أعاشرها كما قلت طبيعي وممكن بامتياز طب تبقى الحياة حلوة ليه نحط نقطة سوداء بينا معرفش أنا مش حفضل عمري كله ووقتي كله أقضيه معاها في حل مشكلة زي دي بيننا...........

أعجبت جداً بتعليق أحد الأعضاء على رسالتي وهو يقول حتى لو ظلت معك زوجتك طول اليوم أو كل ساعة قمت بالممارسة وده مستحيل فماذا بعد ذلك بقيت اليوم أو الأسبوع هل ستظل بجواري دائماً حتى لا يحدث لي أو تنقذني من هذه الشهوة المغمورة بداخلي.. وكلامه صح جداً هي حتعمل إيه إذا ده داهمني في وقت هي فيه في عملها مثلاً أو شغلي, في كل الأحوال صح ما رأيك في ذلك التعليق أرجو سيادتك تقرأه.

وهي جزء من المشكلة وليست كل المشكلة. أنا مؤمن بده جداً. ولكن أقول باختصار من الآخر مفيش فايدة من حل جزء مشكلتي معها ده عشرة ٢٠ سنة جواز دماغها ناشفة جداً وتتعصب كتير علي وعلى أولادها ينتهي بصفعها على وجهها. دكتور زوجتي عايزاني أسافر أشتغل برة زي أخوها وجوز أختها وأقاربها ده حيريحها جداً ويريحها من مناقشتي معها كتير وخناقي معها. هي لا تكرهني ولكن بالبلدي بتكبر دماغها وعايزة أبقى زيها مش عارف دايماً مش غلطانة وأفضل أظل بالساعة أكلم وصوتي يعلى وهي باردة وبعدها تنام. ولا هي هنا. أخيراً السعي لإسعادها بهذا الطريق وهو السفر وبالرغم مش حارمها من حاجة لا هي ولا أولادي ودخلي يقرب من ٤ آلاف جنيه شهرياً والحمد لله.

عايز أعيش زي الناس حياة منظمة بين زوجين وأب وأم وأولاد غرفة لأب وأم لا يدخلها أحد إلا بإذن لا أريد العذاب عندما أريد ممارسة معها نقعد نختبئ زي الفيران كده كأننا بنسرق أو نستنى لما الولاد تنام وتيجي هربانة منهم, وبعد اللقاء بينا تجري على أوضت العيال وتنام ولو غصبتها تنام جنبي تبقى ليلة هباب. أنا عمال أعيد وأزيد شكلي حضيع وقتك أنا آسف. الحل أنا قلته لحضرتك يعيش معاها ماأكلمش في مشاكل أبداً ولا أحاسبها على أي حاجة خلاص.

ده لزوجتي أما أنا فلا ألقي اللوم عليها في حالتي الخاصة فأنا كل سردي للمشكلة ده عايزها تبقى على أد ماتقدر تساعدني زي مقال د سداد. أول مرة لكن هي ليست مسؤولة عما أنا فيه والكلام عن حالتي أنا زهقت منه وبحاول بقدر الإمكان أن أبتعد عن الجلوس وحدي في المنزل كتير وفي العمل أيضاً. وماكدبش عليك بتماسك كتير وبضعف كتير بتفكير أو تخيل وإحساس وبالذات أنا أغتسل أرجو منك عدم الزهق من شخص مثلي فأنا أول مرة أكلم مع حد والله عشان كده لما صدقت وفعلاً زي ماقال المعلق على رسالتي مش كل حياتي كده ولا كل وقتي كده ولازم أدي المشكلة حجمها بس يعني مش كلي وحش ولا كل وقتي سواد كده

آسف لإطالتي
والسلام عليكم.
2/2/2017