خطيبتي هل هي شخصية حدية ؟ أم ؟!

الانفعال الزائد

السلام عليكم أنا محمود خاطب منذ تسعة أشهر. بيانات خطيبتي اللي فوق. خطيبتي تتعصب أوفر جدا وتكرر أخطائها. يعني مثلا لو مخدتش بالي من التليفون ممكن تتعصب جامد وتغضب ومتصدقش خالص لدرجة إنها أثناء غضبها ممكن تغلط في الدين ولما ترجع تقول إيه اللى أنا قلته وتفضل تتأسف لي جامد وتلوم نفسها جامد على اللي هيه قالته وتصبر علي لحد ما أرضى.

حاولت أصلح منها بالشدة منفعش، بالاحتواء منفعش, بالخناق منفعش, بأني أتركها منفعش. كل يوم مشكلة لسبب تافه وأنا مرة أرد ومرة لا ومرة أتجاهل، وهيه ترجع تتأسف وتلوم نفسها, المهم توصلنا إلى أني قلت لها أنت عندك مرض نفسي، قالت لي فعلا ولازم أتعالج أنا مش بحس بنفسي.

عرفت منها أنها كانت مش بتلعب مع الأطفال وهي صغيرة ومرات أخوها كان يضطهدها. ويتحكم فيها وهي صغيرة تبطل لعب وتقوم تساعد في المطبخ. غير الضرب وكده بس لما كبرت خلاص كل ده زال، هل لها حل تتعالج وإيه الطريقة اللي ممكن أساعدها بها علما بأني قررت أسيبها وهي مش عايزاني أسيبها وأنا بحبها وحابب أعالجها
15/2/2016