شعر عامية
صيــــاد
أرمي الشبكة تطلع لي بدل السمكة 100
ويطلع مرجان وياقوت يلمع في عنيا
ورمتها مرة كمان طلعت فيها جنية
قالت لي أأمر والطاعة عليا
قلت لها أنا نفسي في أجمل صبية
أحبها ويكون حبها كله ليا
كان يوم حظي لما قابلت الجنية
حققت وعدها وجبتلي أحلى صبية
لون عنيها لون البحر ومليانة حنية
وإديها مسكت إديا
وفجأة المركب خبط في صخرة مداريّه
وببص لقيت الدنيا فضيا من حواليا
طلع اللي فات كله حلم أصل راحت نومة عليا
معلش أنا طول عمري كدة حظي شوية
عمري ما طلع لي في الشبكة سمكة طرية
هيطلع لي مرة وحدة جنية؟؟
وكمان أمسك إيد أحلى صبية؟؟
واقرأ أيضا:
وحداني / أبدًا مش هرجعلك / الفيديو كليب / كان يا مكان / صحبتي / أنا والسما