رباعيات مجانينو

ما قدرش أقول يا بن آدم غير إنْ الطبع فيك غالب
بتكون سعادتك ع الشط قدامك وبرضه بتشتري قارب
وتفضل تجدف ف البحر يا مسكين لمَّ اَنْ ينفطر قلبك
وف آخر المشوار من خيبتك.. تقول: 
أصل النصيب غالب!!

يا نجم يا عالي ف السما مين قدك؟!
شايف الخلايق كلها من عندك..
يا هل ترى تقدر تقول لابن آدم..
مين اللي بيكرهك ومين بيحبك..

من تاني جيت يا ربيع بالعطر..
ويَّا أزهارك ونسمة المغربية الحلوة تطفي الحر..
ف.. نهارك نفسي يا بلدي
ف شوارعك أشم الفل من تاني..
أحسن هباب العوادم.. سوِّد حتى أنهارك..

واقرأ أيضاً:

بيقـولـوا ..: عملوا لنا كـويز!! / توهان !!! / فين المصري؟؟؟ / منتهى العقل / الموظفون في الأرض! / المجانين في نعيم! / دنيا النص ف الميَّة