شعر عامية
الحب القاسي
قاسي والطبع عنيد
وان كان ع الشدة شديد
في الهجر ما يرحم قلب
وانا قلبي ضعيف في الحب
والحب ما هوش بالإيد
قاسي والطبع عنيد
**
وإيه يا قلبي اللي غاصبنا
عاللي هوايته يعذبنا
ما نشوف قلب يناسبنا
طيب زيك ووحيد
قاسي والطبع عنيد
**
لكن قلبي يقول هوه
اللي اتمكن من جوه
وأخد من ضعفي القوه
بقى يقسى وحبي يزيد
قاسي والطبع عنيد
**
ظالم يا قانون الحب
المخلص يشبع غلب
واللي بيجرح في القلب
في شرعك يبقى سعيد
قاسي والطبع عنيد
واقرأ أيضا:
زمن الغابة/ نغومة بنتي/ حكاية عاشق/ الغربة / إلى مدمن!!!/ إلى مريض الهوس/ إلى مكتئب/ إلى مكتئب !/ إلى مريض الفصام/ إلى مريض الوسواس